Bakı-Quba yolu dekabrın 20-də istifadəyə veriləcək
Xəbərlər 9 Dekabr 2022 13:49 Oxunub 476
Bakı-Quba yolu dekabrın 20-də istifadəyə veriləcək

Bakı-Quba yolunun yeniləşən birinci mərhələsi dekabrın 20-də istifadəyə veriləcək.

Bu barədə Azərbaycan Avtomobil Yolları Dövlət Agentliyi sədrinin müavini Əvəz Qocayevə istinadən millət vəkili Vahid Əhmədov Bizim.Media-ya deyib:

"Sədr müavini telefon danışığında məlumat verdi ki, işlər böyük sürətlə davam edir. 6 briqada gecə-gündüz, növbəlilik əsasında işləyir".

Bu yoldan istifadə edən sürücü və sərnişinlər yolun başa çatdırılmasını səbrsizliklə gözləyirlər. Çünki, dağılmış birtərəfli yolda hər iki istiqamətə hərəkət etmək nəqliyyat vasitələri üçün ciddi çətinlik yaradır.

Hazırda Bakı-Quba yolunun yalnız Bakı istiqamətinə gedən hissəsi təmir olunur. Yolda son tamamlama işləri görülür. Yolun 90 km-lik hissəsi tam asfaltlanıb, təxminən 10 km hissəsinda asfaltlama işləri davam etdirilir. Yola asfalt 4 qat və 29 sm olmaqla aparılır və vurulan asfalt xüsusi texnologiyalar vasitəsilə kipləşdirilir.
Yolda digər işlər -yol nişanlarının qoyulması, yolayrıcların hazırlanması öz sürəti ilə davam edir.
 

ŞƏRH YAZ
Ad

E-mail

Şərh