Bakıda 1 yaşlı uşağa səhv diaqnoz qoyuldu - SƏHLƏNKARLIQ

Azərbaycanda həkim azyaşlı uşağa səhv diaqnoz qoyub.
Jurnalist Aytən Sakitqızı lent.az-a açıqlamasında bildirib ki, hadisə “Baku Medical Plaza”da qeydə alınıb.
Onun sözlərinə görə, adıçəkilən klinikanın travmatoloqu Şamama Cəfərova onun 1 yaşlı qızına yalandan qolunun sınığı diaqnozunu qoyub:
“Qızım evdə oynayarkən qolunun üzərinə yıxıldı. Yaşı azdır deyə hər hansı bir sınıq və ya çıxıq olmasından qorxduq. Tez uşağı evimizə ən yaxın olan xəstəxanaya – “Baku Medical Plaza”ya apardıq. Orada işləyən travmatoloq Şamama Cəfərova qızımı rentgen edib, qolunda sınıq olduğunu və təcili gipsə qoyulmalı olduğunu dedi. Qızımın qolu gipsə qoyuldu. Bütün bunlara görə, ayrıca ödəniş tələb edildi. Səhəri günü isə o, qolunu rahat şəkildə hərəkət etdirə bilirdi. Axı, bu uşağın qolu sınıbsa necə hərəkət etdirə bilərdi? Şübhələndim, daha sonra qızımı Kliniki Tibbi Mərkəzdə yoxlanışa apardım. Orada bizi travmatoloq Fərman Nəsibov müayinə etdi. Fərman həkim qızımın qolunda sınıq olmadığını bildirdi”.
1 saylı Kliniki Tibbi Mərkəzin travmatoloqu Fərman Nəsibov uşağın rentgen şəklində heç bir sınıq əlamətinin olmadığını bildirib: “Uşağı yenidən müayinə etdik və sınıq olmadığı müəyyən edildi”.
Məsələni aydınlaşdırmaq üçün “Baku Medical Plaza”nın travmatoloqu Şamama Cəfərova ilə əlaqə saxlamağa çalışdıq. Təəssüflər olsun ki, həkim zənglərimizə cavab vermədi.
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO












