Bakıda avtomobildən külli miqdarda narkotik tapıldı

Bakıda narkotiklərin qanunsuz dövriyyəsinə qarşı əməliyyat keçirilib.

Avtosfer.az xəbər verir ki, Sabunçu rayon Polis İdarəsinin Narkotiklərlə Mübarizə Bölməsi və Dövlət Yol Polisi əməkdaşlarının keçirdikləri əməliyyat nəticəsində 56 yaşlı Ağayev Çingiz Mirzə oğlu Bakıxanov qəsəbəsi S.Mehmandarov küçəsində idarə etdiyi "Opel Astra" markalı avtomobili ilə saxlanılıb. Onun üzərindən 0.7 qram, avtomobilin arxa saxlanc yerindən isə 1 kq 50.2 qram heroin aşkar edilərək götürülüb.

Faktla bağlı cinayət işi başlanıb.