Bakıda kirayəyə velosiped götürənlərin gündəlik sayı açıqlanıb

Bakıda velosiped kirayəsi xidmətinin tətbiqinə bu ilin 24 avqust tarixindən başlanılıb.

Avtosfer.az xəbər verir ki, bunu Azərbaycan Yerüstü Nəqliyyat Agentliyinin təşkil etdiyi ictimai dinləmədə qurumun mikromobillik şöbəsinin müdiri Coşqun Məmmədov deyib.

O bildirib ki, indiyə qədər kirayə edilmiş velosipedlərlə 140 min kilometrə yaxın sürüş olub:

"Bu ilin sentyabr ayında 20 056 velosiped kirayəyə götürülüb. Velosiped kirayəsi üçün gündəlik orta hesabla 650 sifariş olub. Gündəlik olaraq velosiped kirayəsi üçün 300-305 nəfər ayrı-ayrı şəxslərin müraciəti olub. Velosipedlərin kirayəsi üçün bu vaxta qədər 38 128 qeydiyyat olub".