Bakıda nəqliyyatın hərəkətinə üç zonada məhdudiyyət tətbiq ediləcə - VİDEO

''Formula-1'' Azərbaycan Qran-prisi ilə əlaqədar Bakıda nəqliyyatın hərəkətinə 3 zonada məhdudiyyət tətbiq ediləcək.

Birinci zona yarış halqasının əhatə etdiyi İçərişəhər ərazisi, ikinci zona Azadlıq meydanı və onun yaxınlığında yerləşən digər küçələr, üçüncü zona isə BMT-nin 50 illiyi küçəsini əhatə edir.

Bakı Şəhər Halqası Əməliyyat Şirkətinin mətbuat katibi Turab Teymurov deyib ki, hərəkət məhdudiyyəti aprelin 24-ü gecə saatlarında tətbiq ediləcək.

Bəs həmin ərazidə yaşayan və yaxud da işləyən şəxslərin ora girişi necə tənzimlənəcək?

Yarış günləri ərzində şəhər sakinlərinin maneəsiz hərkətini təmin etmək üçün yarış halqası ərazisində yerləşən bütün yeraltı keçidlər açıq olacaq.

Aprelin 27-də Neftçilər prospektinin Azneft dairəsindən yalnız Dəniz Vağzalı istiqamətində olan hissəsi saat  07:00-dən 09:00-dək  və  20:00-dan 22:00-dək açıq olacaq. 28-29 aprel tarixlərində isə burada nəqliyyatın hərəkətinə yalnız axşam saat 20:00-dan 22:00-dək icazə veriləcək. Aprelin 29-u saat 22:00-dan mayın 2-i səhər saat 08:00-a qədər nəqliyyatın hərəkəti tam olaraq məhdudlaşdırılacaq.