Bakıda quraşdırılan yol nişanlarının sayı AÇIQLANDI - Son bir ildə

Piyadaların və nəqliyyat vasitələrinin rahat, təhlükəsiz, eləcə də maneəsiz hərəkətini təmin etmək istiqamətində tədbirlər davam etdirilir.

Bakı Nəqliyyat Agentliyindən (BNA) Avtosfer.az-a bildirilib ki, piyadaların və nəqliyyat vasitələrinin maneəsiz hərəkətini təmin etmək Bakı Şəhər İcra Hakimiyyəti başçısının tabeliyində BNA-nin strateji məqsədlərindəndir. 

Davamlı olaraq bu istiqamətdə tədbirlər icra edilir. Bu çərçivədə son bir ildə paytaxtın müxtəlif küçə və prospektlərində 5200 ədədə yaxın müxtəlif təyinatlı yol nişanı quraşdırılıb.