Bakının mərkəzində asfalt çöküb - YENİLƏNİB

Nəsimi rayonunda çökən yola aidiyyəti üzrə baxış keçirilib.

Bu barədə Oxu.Az-ın sorğusuna cavab olaraq Azərbaycan Avtomobil Yolları Dövlət Agentliyinin (AAYDA) Mətbuat Xidmətinin rəhbəri Anar Nəcəfli məlumat verib.

O bildirib ki, paytaxtın sözügedən ərazisində, yəni Dilarə Əliyeva və Səməd Vurğun küçələrinin kəsişməsində yolun çökməsinin səbəbləri araşdırılır:

“AAYDA-nın müvafiq şöbəsinin əməkdaşları əraziyə cəlb ediliblər. Mütəxəssislər ərazidə qeydə alınan çökmənin səbəbini öyrənməyə çalışırlar. Qısa müddət ərzində həmin küçənin asfalt-beton örtüyü bərpa ediləcək”.

13:04

Bakının mərkəzi küçəsində asfalt çöküb.

Avtosfer.az xəbər verir ki, problem paytaxtın Nəsimi rayonu, Dilarə Əliyeva və Səməd Vurğun küçələrinin kəsişməsində qeydə alınıb.

Yolun aktiv hərəkət olan hissəsində asfalt örtüyünün çökməsi avtomobillərin hərəkətinə təhlükə törətməkdədir.