Bakubus avtobuslarına qarajda xidmət olunurmu? - FOTO

Bu sual bəlkə də qəribə gələ bilər, amma bazar günü rastlaşdığım hadisə bu sualı verməyə vadar etdi.

Bazar günü şəhərin mərkəzindən Lökbatan qəsəbəsinə qayıdarkən rast gəldiyim hal məndə belə təəssürat yaratdı. Şəhərdə mindiyim 130 saylı marşrut üzrə hərəkət edən 99 JU 337 nömrəli avtobus Lökbata çatarkən nasazlıq yaradndı. Məlum oldu ki, avtobusun soyuducu maye şlanqı (qol boru) partlayıb və antifriz dağılıb. Necə deyərlər, yeganə hal olsa təsadüf demək olar. Taksi ilə gedəcəyim ünvana çatdıqda oxşar hadisənin təkrarını 130 saylı avtobusun son dayanacağında da şahidi oldum. Burda çilingərlər antifrizi axmış avtobusu təmir edildilər. 

15 dəqiqə fərqlə 2 oxşar hala rast gəldikdə beynimdə belə bir sual doğdu: Görəsən bu avtobuslara gecə vaxtı qarajda xidmət olunmurmu? Axı təzə avtobusda marşruta çıxdıqdan 3-4 saat sonra nə üçün nasazlıq yaranmalıdır? Həm də hadisə qeyri-iş günündə, heç bir tıxac olmayan ərazidə baş verib. Qızmar yay olsa hardasa bunu başa düşmək olardı. Amma hələ ki, havalar isinməyib.
Avtobusda nasazlıq yaranması daşıyıcı şirkət üçün ikiqat ziyandır. Həm texnika boş dayanaraq gəlir gətirmir, həm də hansısa texnikanı çöl şəraitində təmir etmək daha uzun və baha başa gəlir.

Vüqar Yaşaroğlu