Beyləqanda Əliağa Vahid küçəsində asfaltlanma işləri başa çatdırıldı - FOTO

Beyləqan rayonunda infrastrukturun yenidən qurulması və yolların müasir standartlara uyğunlaşdırılması istiqamətində həyata keçirilən tədbirlər çərçivəsində Əliağa Vahid küçəsi və ətrafındakı dalanlarda aparılan asfaltlama işləri uğurla yekunlaşdırılıb.

Avtosfer.az xəbər verir ki, layihə üzrə küçənin köhnə asfalt örtüyü tam yenilənmiş, asfalt örtüyü olmayan hissələrə isə yeni yol çəkilərək yolun hərəkət hissəsinin keyfiyyəti artırılmış, piyadaların və nəqliyyat vasitələrinin təhlükəsiz və rahat hərəkəti təmin olunub.

Yol infrastrukturunun yenilənməsi şəhərin ümumi görünüşünün yaxşılaşdırılmasına, eləcə də ətraf ərazilərdə yaşayan sakinlərin gündəlik həyat şəraitinin yüksəldilməsinə mühüm töhfə verib.

Asfaltlanma işləri qısa müddət ərzində və yüksək peşəkarlıqla başa çatdırılıb.