BNA-nın idmançı əməkdaşı rinqdə qələbə qazanaraq çempion oldu - FOTO

Ukraynanın Odessa şəhərində Qarışıq İdman Növləri üzrə Dünya Çempionatı keçirilib. Avtosfer.az xəbər verir ki, çempionatda iştirak edən Nicat Yusifov və Cəlal Cəlallı qalib gələrək dünya çempionu adını qazanıblar. Nicat Yusifov finalda erməni əsilli rəqibi Qriqoryan Artura qalib gələrək 70 kiloqram çəki dərəcəsində dünya çempionu olub.

Qeyd edək ki, idmançılardan biri  - Bakı Nəqliyyat Agentliyinin əməkdaşı Cəlal Cəlallı ukraynalı rəqibinə qalib gələrək 80 kiloqram çəki dərəcəsində çempionatın baş mükafatına layiq görülüb.

Çempionat iyunun 3-dən 6-a kimi davam edib.

Qeyd edək ki, yarışda dünyanın 16 ölkəsindən 800 idmançı iştirak edib. Çempion adını qazanan hər iki idmançıya gələcək fəaliyyətlərində uğurlar arzu edirik.