Britaniyada yeganə təzə “Niva”ya sahib çıxan yoxdur - FOTO

Böyük Britaniyaya 1 il əvvəl idxal edilmiş təzə “Niva” heç kimdə maraq doğurmayıb. 

Avtosfer.az-ın xəbərinə görə, avtomobilin qiyməti 22 400 funtdan 17 000 (27 000 dollardan 20 400 dollara) funta endirilsə də, maşın heç kimi maraqlandırmır. 

Ekoloji və təhlükəsizlik normalarına cavab vermədiyindən VAZ avtomobillərinin krallığa idxalı 5 il əvvəl qadağan edilib. Lakin qeyri-rəsmi dilerlər şəxsi istifadə adı ilə Rusiya avtomobillərini tək-tək idxal edə bilirdilər. Ukrayna münaqişəsindən sonra bu tip idxala da qadağa qoyulub. 
Əvvəllər “Niva”ya kifayət qədər tələbat olsa da, müharibədən sonra bütün ingilislər bu avtomobildən üz döndərib. 
Maraq üçün deyək ki, VAZ 80-ci illərin əvvəllərində Britaniyaya ildə azı 20 000 avtomobil ixrac edirdi. Son illərdə isə Rusiyanın ümumi avtomobil ixracı bu rəqəmdən qat-qat azdır. Ukrayna müharibəsindən sonra isə, Federasiyadan avtomobil ixracı demək olar dayanıb.