"Bu, avtomobil bazarında bahalaşmaya gətirib çıxaracaq" - Vüqar Bayramov

"Xaricdən avtomobil idxalı zamanı utilizasiya haqqının alınması idxal qiymətinin artımına səbəb olacaq".

Avtosfer.az xəbər verir ki, bunu Milli Məclisdə keçirilən komitə iclasında deputat Vüqar Bayramov deyib.

O bildirib ki, bu, avtomobil bazarında bahalaşmaya gətirib çıxaracaq.

Deputat əlavə edib ki, tullantıların utilizasiyası ilə avtomobillərin utilizasiyası bir-birindən fərqlidir.

"Avropa ölkələrində bununla bağlı iki ayrı qanun var. Daha yaxşı olardı ki, bizdə də bu qanun layihəsi ayrıca qanun kimi hazırlanıb təqdim olunsun".