Bu ərazidəki piyada səkisi artıq parkinqə çevrilib - FOTO

Səhərdən axşama qədər piyada səkisində avtomobillərini parkladılar, yolu keçən insanların həyatını riskə atdılar.
Avtosfer.az xəbər verir ki, həvəskar kamerasının çəkdiyi fotoşəkil Biləcəri qəsəbəsinin Əhməd Qasımov küçəsində qeydə alınıb. Görüntüdən də bəlli olduğu kimi piyadalar üçün ayrılmış enli səkiyə öz avtomobilini yerləşdirən, dövlət nömrə nişansız “Niva” markalı avtomobil və “Mercedes Benz Vito” markalı, “77-XN-012” dövlət nömrə nişanlı minik vasitəsi səhər saatlarından gecəyə qədər maşınlarını bu ərazidə saxlayaraq dayanma-durma qaydasını pozub və insanlara təhlükəli anlar yaşadıb. Səkinin bu nəqliyyat vasitələri tərəfindən tamamilə zəbt olması nəticəsində buradan keçən piyadalar məcbur qalaraq birbaşa avtomobil yoluyla hərəkət etmək məcburiyyətində qalıblar. Üzərimizə düşən öhdəliyi yerinə yetirərək bildirək ki, artıq sürücülər tərəfində adi hala çevrilən bu qayda pozuntusu İnzibati Xətalar Məcəlləsinin 346-cı maddəsinə ziddir və 20 manatlıq cərimə ilə nəticələnir. 

Nərmin Əkbər