Bu il suda batmış 58 nəfərin cəsədi tapılıb

Cari il ərzində FHN-in dalğıc-xilasediciləri tərəfindən nəzarət olunan çimərlik ərazilərində batmaq təhlükəsi ilə üzləşmiş 120 nəfər və nəzarət olunmayan qeyri-çimərlik ərazilərdə 105 nəfər olmaqla cəmi 225 nəfər xilas edilib.

Bu barədə Fövqəladə Hallar Nazirliyinin yaradılmasının 17-ci ildönümü və işçilərinin peşə bayramı münasibətilə keçirilən iclasda fövqəladə hallar naziri, general-polkovnik Kəmaləddin Heydərov bildirib.

Qeyd olunub ki, nəzarət olunmayan qeyri-çimərlik ərazilərdə suda batmış 58 nəfərin cəsədi tapılaraq aidiyyəti üzrə təhvil verilib.