"Dedi ki, gərək Allaha sözünü mənim vasitəmlə çatdırasan" - "12-ci İmam"ın MƏHKƏMƏSİ

Özünü 12-ci imam kimi təqdim edərək 40 nəfərə qarşı dələduzluq etməkdə ittiham olunan Aqil Babayevin cinayət işi üzrə məhkəmə araşdırması davam etdirilib.
Bu gün Bakı Ağır Cinayətlər Məhkəməsində keçirilən iclasda zərərçəkmişlər - Etibar Novruzov və Telman Nuriyev ifadə verib.
Etibar Nuriyevin dediyinə görə, Aqil Babayevlə dini məclislərin birində tanış olub, sonradan onun həyətində bağbanlıq edib:
"O vaxt da ətrafında olan hər kəs buna inanırdı. Mən həmişə Allaha dua etmişəm. Günlərin birində Aqil mənə dedi ki, Allah sənin dediklərini eşitmir, gərək mənim vasitəmlə sözünü çatdırasan".
İş üzrə zərərçəkmiş şəxsə 9 min manat ziyan dəydiyi iddia olunur. O, həmin pulları uzun illər zəkat formasında verdiyini bildirib.
Təqsirləndirilən şəxs Etibar Novruzovun yalan danışdığını, bağbanı işlədiyi müddətdə ona hər cür köməklik etdiyini deyib.
Digər zərərçəkmiş Telman Nuriyev isə Aqil Babayevlə bir məhəllədə böyüdüyünü deyib. İttihama görə, o da Aqil Babayevin təsvirinə düşüb, müxtəlif vaxtlarda ümumilikdə 4 min manat zəkat verib.
Müdafiə tərəfi Telman Nuriyevdən Aqil Babayevin imam olmasına hansı səbəblə inandığını soruşub. Telman Nuriyev bunu son illərdə təbii fəlakətlərin və müharibələrin artması ilə əlaqələndirib.
Xatırladaq ki, “ŞaurmaN1” restoranlar şəbəkəsinin şəriki olmuş Aqil Babayev Daxili İşlər Nazirliyinin (DİN)Baş Mütəşəkkil Cinayətkarlıqla Mübarizə İdarəsi tərəfindən həbs edilib. Onun barəsində Cinayət Məcəlləsinin 178.4-cü (dələduzluq, külli miqdarda ziyan vurmaqla törədildikdə) maddəsi ilə ittiham elan edilib. İş üzrə zərərçəkmiş şəxslərə 2 milyon 500 min manat ziyan dəydiyi iddia olunur. (apa)
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO












