Dəniz sahilində insanları dişləyən balıq peyda oldu

Baltik dənizinin Finlandiya sahillərində insanları dişləyə bilən balıq tapılıb.

Lent.az-ın xarici mətbuata istinadən məlumatına görə, Baltik dənizində invaziv balıq növü olan “günəş perch” adlı bu heyvan insanlar üçün təhlükə mənbəyinə çevrilib. 

“Turku ərazisində də peyda olan “günəş perch” aqressiv şəkildə müdafiə etdiyi kürü tökmə dəlikləri yaradır. Təsadüfən kürü tökmə yerinin yaxınlığında üzsəniz, “perch” sizi mütləq dişləyəcəkdir. Xoşbəxtlikdən, günəş balıqlarının böyük dişləri yoxdur, lakin onlar insanları çimdikləyə bilərlər”, - Finlandiyanın Sərbəst Balıqçılar Assosiasiyasının sözçüsü Juha Ojaharju yayımçıya verdiyi şərhdə bildirib.

Finlandiya Təbii Sərvətlər İnstitutunun nümayəndəsi (Luka) Sanna Kuningas invaziv balıq növlərinin məqsədli şəkildə Finlandiyanın cənub-qərbinə gətirildiyini qeyd edib.