DİNİB yeni layihəyə start verdi

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Dialoq və İnkişaf Naminə” İctimai Birliyi (DİNİB) “Qloballaşma dövründə milli-mənəvi dəyərlərin qorunması” adlı layihənin icrasına başlayıb. 

Layihə çərçivəsində “Dialoq və İnkişaf Naminə” İctimai Birliyi (DİNİB) Bakı şəhərində yerləşən müxtəlif universitetlərdə təhsil alan və paytaxtın rayonlarında yaşayan sakinlər, yeniyetmə və gənclər arasında Azərbaycanın tarixən milli – mənəvi dəyərlərlərə bağlı olduğunu tarix və məkan olaraq təbliğ etmək, qloballaşma dövründə milli – mənəvi dəyərlərimizin qorunub saxlanılması və bu istiqamətdə maarifləndirilmə işinin aparılmasına öz töhfəsini verməkdir.

İki ay davam edəcək layihədə qloballaşma dövründə milli – mənəvi dəyərlərimizin qorunub saxlanılması və təbliği ilə bağlı yeniyetmələrin, tələbə - gənclərin və vətəndaşların iştirakı ilə Bakı şəhərində müxtəlif konfransların və tədbirlərin keçirilməsi nəzərdə tutulmuşdur.

Eyni zamanda, təşkilatın məqsədi layihə çərçivəsində dövlətin bu yöndə siyasətinə ictimai birlik olaraq töhfə vermək, ictimaiyyət arasında maarifləndirmə işlərini apararaq Azərbaycanın qloballaşma dövründə milli – mənəvi dəyərlərlərə bağlı və multikultural bir ölkə kimi milli – dini icmaların birgə yaşayışının praktik faydalarını təbliğ etməkdir.