Ələt-Astara-İran sərhədi magistral yolunun bir hissəsi əsaslı təmir edilib - VİDEO

Azərbaycan Avtomobil Yolları Dövlət Agentliyi köhnə Ələt-Astara-İran sərhədi magistral avtomobil yolunun Biləsuvar rayonundan keçən 10 kilometrlik (103-113-cü km) hissəsini əsaslı şəkildə təmir edib.

Avtosfer.az xəbər verir ki, bu barədə Agentlik məlumat yayıb.

Bildirilir ki, təmir çərçivəsində yolboyu deformasiyaya uğramış köhnə asfalt-beton örtüyünün frezlənməsi, zəruri yerlərdə əsasın deformasiyaya uğramış hissələrinin qazılaraq kənarlaşdırılması, əks-dolğu işlərinin görülməsi, hamarlayıcı layın tikintisi işləri yekunlaşdırılıb və yeni asfalt-örtüyünün döşənməsi işləri icra olunub.

Sonda yol çiyinlərinin bərkidilməsi işləri yerinə yetirilib, yolcizgi və yolgöstərici xətlər çəkilib, zəruri yol nişanları quraşdırılıb.

Xatırladaq ki, 2-ci texniki dərəcəli sözügedən hissənin eni 15 metrdir. Bura 9 metr hərəkət hissə və hər bir istiqamət üzrə 3 metr enində çiyin hissələr daxildir.