FHN-in Şimal Regional Mərkəzi təlim keçirdi - FOTO

Fövqəladə Hallar Nazirliyinin Şimal Regional Mərkəzi tərəfindən “Avtomobil və dəmiryolu nəqliyyatında qəzalar zamanı xilasetmə əməliyyatı” mövzusunda təlim keçirilib.

Avtosfer.az xəbər verir ki, təlimin keçirilməsində əsas məqsəd nəqliyyat qəzaları zamanı deformasiyaya uğramış avtomobildən zərərçəkmişlərin xilas olunması üzrə xilasedicilərin bilik və bacarıqlarının artırılmasıdır.

Bununla yanaşı, xilasetmə qrup komandirlərinin hadisə zamanı effektiv idarəetmə vərdişlərinin təkmilləşdirilməsi olub.

Təlim zamanı xilasedicilər tərəfindən şərti nəqliyyat qəzası zamanı deformasiyaya uğramış avtomobildən “zərərçəkmişlər” xilas edilərək onlara “ilkin yardım” göstərilib.

Uğurla keçirilmiş təlimin yekununda əldə olunmuş nəticələr müzakirə edilib, müvafiq tapşırıqlar verilib.