Fransa hava limanlarının dispetçerləri tətil edir

Sentyabrın 16-da Fransada hava dispetçerləri tətilə başlayıb.

Avtosfer.az xəbər verir ki, Fransada hava nəqliyyatı dispetçerləri tətil etdiyi üçün Roissy hava limanında çoxsayda uçuşlar ləğv olunub.

Mülki aviasiya xidməti xəbərdarlıq edib ki, hələ də planlaşdırılmış bəzi uçuşlar son anda təxirə salına və ya tamamilə ləğv edilə bilər.

Bildirilir ki, tətil, hava nəqliyyatı dispetçerləri birliyinin təşəbbüsüdür. Onlar inflyasiya ilə bağlı olaraq, məvaciblərinin artırılmasını, eləcə də əlavə işçilərin işə götürülməsini tələb edirlər.

Qeyd edək ki, Roissy hava limanındakı tətilə görə Türkiyə Hava Yollarına məxsus uçuşlar da ləğv olunub.

AZƏRTAC