Göyçayda qaçırılan maşın başqa rayonda tapıldı

Göyçayda maşın qaçırılıb.

Daxili İşlər Nazirliyindən Avtosfer.az-a verilən məlumata görə, hadisə mayın 1-nə keçən gecə şəhəri ərazisində qeydə alınıb. “VAZ-21041” markalı avtomobilin qaçırılılması barədə polisə məlumat daxil olub.

Göyçay rayon Polis Şöbəsi əməkdaşlarının keçirdikləri əməliyyat-axtarış tədbiri nəticəsində avtomobil həmin gün Hacıqabul rayonu ərazisində tapılıb. Nəqliyyat vasitəsini qaçırmaqda şübhəli bilinən rayon sakini R.Abdullayev müəyyən olunaraq saxlanılıb.

Göyçay rayon Polis Şöbəsində araşdırma aparılır.