GPS ilə təcili yardım çağırmaq mümkün olacaq – YENİ MOBİL TƏTBİQ

Bundan sonra e-Tabib tətbiqində GPS vasitəsilə ambulansı olduğun nöqtəyə çağırmaq mümkün olacaq.

Avtosfer.az xəbər verir ki, bunu Kibertəhlükəsizlik Mərkəzinin rəisi Davud Rüstəmov bildirib.

O, qeyd edib ki, əvvəllər bu sahədə infrastruktur kritik idi:

"Bu tətbiqin yaradılmasından sonra tətbiq çox insanın həyatında böyük rol oynayıb".

Xatırladaq ki, yenilənmiş "e-Tabib" mobil tətbiqi təqdim olunub. 

Tətbiqin əvvəlki versiyası yalnız koronavirusla bağlı funksionallıqdan ibarət idi, indi isə vətəndaşlar tibb müəssisəsinə müraciət etdikdə həkim tərəfindən təyin olunmuş diqanozları, tibb müəssisəsi tərəfindən göstərilmiş tibbi xidmətləri görə biləcəklər.