İnsanların həyatına təhlükə yaradan səkiləri ZƏBT EDƏNLƏR

Vətandaşların hərəkəti üçün nəzərdə tutulan səki yaxınlıqda yerləşən mağazanın tikinti materialları ilə zəbt olunub.

Bura Xəzər rayonu Binə qəsəbəsi, südçülük savxozu deyilən ərazidir.

Sakinlər deyirlər ki, səkiyə tikinti materialları yığıldığından hərəkətlərini davam etdirmək üçün məcbur olub avtomobil yoluna çıxırlar.

Günün pik saatlarında ərazidə gediş-gəliş müşkülə çevrilir.

Tikinti materiallarının aid olduğu mağazadan bildirilib ki, problem həll ediləcək.

Məsələ ilə bağlı Yerüstü Nəqliyyat Agentliyindən bildirilib ki, sözügedən ünvana baxış keçiriləcək və müvafiq tədbir görüləcək.

Günün sonunda isə Binə qəsəbə nümayəndiliyindən göndərilən fotolardan aydın oldu ki, səki boşaldılıb və vətəndaşların gediş-gəlişi üçün heç bir maneə yoxdur.