İran Rusiyanın avtomobil bazarına Belarusdan girmək istəyir

Qərb istehsalçıları getdikdən sonra bir çox ölkə Rusiyanın avtomobil bazarında yerləşmək istəyir. İran da istisna deyil. 

Avtosfer.az-ın xəbərinə görə, artıq bu yaz “Khodro” şirkəti Rusiyaya 2000 ədəd avtomobil (bizim “Khazar”ın başqa forması) göndərmək istəyir. “Saipa” isə yaxın illərdə burada 15 000 avtomobil satmaq niyyətindədir. Lakin bir problem var. 

İran avtomobilləri Rusiyada müvafiq sertifikat almadıqları üçün birbaşa ixrac mümkün deyil. Buna görə də, avtomobillər Belarus vasitəsi ilə satılacaq.

İran avtomobillərinin Rusiyaya təxminən 10 000 dollara satılacağı planlaşdırılır. Gömrük və digər xərclər əlavə olunsa belə, bu, Rusiya bazarı üçün münasib qiymətdir.

Vüqar