İranda tibb universiteti tələbələrinə hücum oldu, 2 yaralı var

İranın Xuzestan əyalətinin Əhvaz şəhərində tibb universitetinin tələbələrinə hücum olub.

Hadisə ötən gecə Əhvaz Tibb Universitetinin yataqxanasının yaxınlığındakı parkda baş verib.

Silahlı şəxslərin oğurluq məqsədi ilə 4 tələbəyə hücum etdiyi bildirilir. Tələbələrdən ikisi ağır xəsarət alıb və xəstəxanaya yerləşdirilib.

Hücum edən şəxslərdən bir neçəsinin saxlanıldığı bildirilir. (apa)