İsti hava bu insanlar üçün daha təhlükəlidir

Ürək-damar cərrahı, kardioloq Vladimir Xoroşev isti havaların kimlər üçün xüsusilə təhlükəli olduğunu açıqlayıb.

İstilər siqaret çəkənlər və endokrin xəstəlikləri olan insanlar üçün daha təhlükəlidir.

Xoroşevin sözlərinə görə, hamilə qadınlar, qocalar, yeddi və ya səkkiz yaşa qədər uşaqlar, ürək xəstəliyi olan xəstələr, artıq çəkidən əziyyət çəkən insanlar da risk qrupuna daxildir.

"Nikotin hipoksiyanı kəskin şəkildə artırır, yəni oksigenin tükənməsi vəziyyəti yaradır. Bu da istidə son dərəcə təhlükəlidir", - kardioloq bildirib.

O, əlavə edib ki, anormal istilik dövründə spirtli içkilər, kofe və şirin sodadan, həmçinin həddindən artıq fiziki gücdən imtina etmək lazımdır.

Xoroşev vurğulayıb ki, istidə qida rasionunuzda giləmeyvə, meyvə və tərəvəzin miqdarını artırmaq, pəhriz saxlamaq, qırmızı əti balıqla əvəz etmək lazımdır. (lent.az)