İyunda Şimal-Cənub dəhlizinə müntəzəm yük qatarı buraxılacaq

Rusiyadan Hindistana müntəzəm olaraq yük daşınmasını həyata keçirəcək konteyner qatarları Azərbaycan ərazisindən keçəcək.
Bu barədə “Rusiya Dəmir Yolları”nın “RDY Logistika” şirkətinin baş direktoru Dmitri Murev açıqlama verib.
Bildirilib ki, şirkət ilk dəfə Hindistandan Rusiya Federasiyasına Şimal-Cənub beynəlxalq nəqliyyat dəhlizi ilə müntəzəm olaraq yük-konteyner qatarı göndərməyi planlaşdırır.
“İyun ayında nəqliyyat dəhlizi üzrə müntəzəm hərəkət edəcək yük qatarını buraxmağı planlaşdırırıq. Şimal-Cənub nəqliyyat dəhlizinin İran hissəsini əsasən avtomobil yolu təşkil edir. İranın 250 kilometrlik Rəşt-Astara dəmir yolu xətti hələ başa çatmayıb və bitmə tarixi də dəqiq deyil. Avropa ilə Hindistan arasında və əks istiqamətdə yük trafiki əsasən istehlak mallarından ibarətdir”, - deyə şirkətin rəhbəri qeyd edib.
Sankt-Peterburq (Rusiya) ilə Mumbayı (Hindistan) birləşdirən Şimal-Cənub nəqliyyat dəhlizinin uzunluğu 7,2 min kilometrdir. Yüklər Rusiya ilə Azərbaycan arasında Samur sərhəd keçid məntəqəsindən və Yalama gömrük postundan keçərək Astara sərhəd keçidindən İran dəmir yolu şəbəkəsinə çıxış əldə edəcək.
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












