Kılıçdaroğluya da "Togg" bağışlayarsınız? - Ərdoğan: Pulunu verər, alar

Türkiyə prezidenti Rəcəb Tayyib Ərdoğana qarşıdakı seçkilərdə rəqibi, "Millət İttifaqı"nın prezidentliyə vahid namizədi Kemal Kılıçdaroğluna "Togg" maşını hədiyyə vermək barədə sual ünvanlanıb.

Avtosfer.az xəbər verir ki, "Kanal D"nin qonağı olan Ərdoğana jurnalist belə sual verib:

"Kemal Kılıçdaroğluna da bir "Togg" hədiyyə etməyi düşünürsünümüzmü?".

Ərdoğan isə sualı belə cavablandırıb: "Pulunu verər, alar. Kılıçdaroğluna dedim ki, buyur zavoda gəl, səni sənaye və texnologiya nazirim qarşılasın, gəzdirsin. Gəlmədi".

Qeyd edək ki, Türkiyədə 14 mayda prezident və parlament seçkiləri keçiriləcək. Ərdoğan "Togg" maşınını Azərbaycan və Özbəkistan prezidentlərinə hədiyyə verib.

Modern.az