Kiyev metrosu işini tamamilə dayandırdı

Kiyev şəhər metropoliteni işini tamamilə dayandırıb.

Avtosfer.az xəbər verir ki, bunu şəhərin meri Vitali Kliçko bildirib.

Eyni zamanda, o qeyd edib ki, hazırda metro stansiyaları bomba sığınacaqları kimi istifadə olunur.

“Bütün xətlərdə metronun hərəkəti müvəqqəti olaraq dayandırılıb. Yeraltı stansiyalar sığınacaq kimi işləyir”, - deyə Kliçko Telegram-kanalında yazıb.

Həmçinin, Xarkov metrosunun xətlərində qatarların hərəkəti dayandırılıb. Dnepropetrovsk metrosunun yarımstansiyalarında enerji təchizatı yoxdur, elektrik nəqliyyatının bütün texniki reyslərinin işi iflic olub.

Bu gün, dekabrın 16-da bütün Ukraynada hava xəbərdarlığı elan edilib. Partlayışlar Kiyev, Xarkov, Nikolayev, Dnepropetrovsk və Ternopıl vilayətlərində qeydə alınıb. Bir çox şəhərlər istiliksiz və işıqsız qalıb. Ukrayna rəsmiləri raket zərbələrində Rusiyanı günahlandırır. Rusiya Federasiyasının Müdafiə Nazirliyi hələlik bu məlumatı şərh etməyib.

Publika.az