Böyük Britaniya kraliçası II Yelizavetanın dəfn mərasimi günü London Hitrou hava limanı fəaliyyətini dayandıracaq. Cümə axşamı Hitrou administrasiyasının yaydığı bir mesaja görə, hava limanı Kraliçanın xatirəsinə iki dəqiqəlik sükut elan edilməsindən dörddə bir saat əvvəl uçuşları qəbul etməyi və göndərməyi dayandıracaq və daha dörddə bir saatdan sonra işə davam edəcək.

Bundan əlavə, gələn təyyarələr Hitrouda saat 13:45-dən 14:20-dək yerə enə bilməyəcək və dəfn mərasimi Vindzor qəsrindəki Müqəddəs Georgi kapellasında keçiriləcək zaman 15:05-dən 16:45-dək havaya qalxa bilməyəcək. Ülyahəzrətin cənazəsi orada dəfn ediləcək.