Kürdə qayıqda köməksiz qalan şəxs xilas olunub

Fövqəladə Hallar Nazirliyinin (FHN) "112" qaynar telefon xəttinə Kür çayının Sabirabad rayonunun Əsgərbəyli kəndindən keçən hissəsində 1 nəfərin qayıqda köməksiz vəziyyətdə qalması barədə məlumat daxil olub.

FHN-dən Avtosfer.az-a verilən məlumata görə, xilasetmə məntəqəsindən təxminən 20 km aralı, nəzarətsiz ərazidə içərisində 1 nəfərin olduğu qayıq Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri tərəfindən yedəyə alınaraq sahilə çıxarılıb.