Lavrov Horadiz-Arazdəyən dəmir yolundan DANIŞDI

"Moskva öz vasitəçilik xidmətlərini təklif etməkdə çox israrlı olmayacaq, lakin bu xidmətlər Bakı və İrəvana yaxşı tanışdır. Rusiya dəfələrlə xarici işlər nazirlərinin görüşləri üçün platforma təqdim edib və artıq danışıqlar üçün imkan yaratmağa hazır olduğunu təsdiqləyib".

Avtosfer.az xəbər verir ki, bunu Rusiya XİN başçısı Sergey Lavrov Azərbaycanın xarici işlər naziri Ceyhun Bayramovla keçirdiyi birgə mətbuat konfransında deyib.

Onun sözlərinə görə, hər iki tərəf danışıqlara hazırdır və buna etiraz etmirlər: "Moskva ümid edir ki, tezliklə üç ölkənin baş nazirinin müavinləri Horadiz-Mehri-Ordubad-Yerasx (Arazdəyən - red.) dəmir yolu marşrutundan istifadəyə dair konkret razılaşmalar əldə edə biləcəklər. Rusiya üçtərəfli bəyanatların həyata keçirilməsinin zəruriliyini qeyd edir, bu, regional məsələlərin həlli istiqamətində işin əsasını təşkil edir. Həmçinin sərhədlərin delimitasiyası və demarkasiyası üzrə işi gücləndirmək lazımdır, Moskva məsləhətləşmələrə və Ermənistanla Azərbaycan arasında sülh müqaviləsinin bağlanmasına dəstək verməyə hazırdır".

Modern.az