Londonun hava limanında bağlamalardan birində uran izi tapılıb

Londonun Hitrou hava limanında sərhəd xidmətinin əməkdaşları yoxlama zamanı üzərində uran izləri olan bağlama tapıb.

Avtosfer.az xəbər verir ki, bu barədə Böyük Britaniyanın “Sky News“ televiziya kanalı məlumat yayıb.

Bildirilib ki, qeyd olunan hadisə ötən il dekabrın 29-da baş verib və hazırda araşdırmanın ilkin mərhələsi başa çatıb.

Araşdırma nəticəsində məlum olub ki, bağlamanın üzərində aşkar olunmuş çirklənmiş materialın miqdarı az olub və ekspertlərin fikrincə, ətraf üçün təhlükə törətmir. Qeyd edilib ki, istintaq davam edir.