Müğənnini xidməti maşında hava limanına aparan polkovniklər işdən qovuldu

Rusiyanın Volqoqrad əyalətində yol polisinin xidməti avtomobili ilə müğənni Anet Sayı (Anna Saydəliyeva) sayrışan işıqlarla hava limanına apardıqdan sonra Daxili İşlər Nazirliyinin iki yüksək rütbəli əməkdaşı işdən çıxarılıb. 

Avtosfer.az xəbər verir ki, bu barədə Rusiya mediası məlumat yayıb.

Nəşrin məlumatına görə, məsələyə görə iki polkovnik vəzifədən azad edilib: regional şöbə rəisi Aleksandr Stepanov və Volqoqrad şəhərinin Daxili İşlər Nazirliyinin rəis səlahiyyətlərini icra edən Aleksey Klimov.

Daha əvvəl sosial şəbəkədə Anet Sayın hava limanına tıxac olmadan çatmaq üçün yol polisi avtomobili tərəfindən çatdırıldığını əks etdirən görüntülər yayılmışdı. Müğənni yolda polisin papağını başına qoyaraq video-rolik çəkib və bütün tıxaclardan çıxdıqlarını söyləyib. 

Daha sonra Milli Avtomobil Birliyi (NAS) Rusiya Federasiyası Daxili İşlər Nazirliyinə və Baş Prokurorluğuna Volqoqradda yol polisinin hərəkətlərinin yoxlanılması tələbi ilə müraciət göndərib.

“Unikal”