Narkotacirlər səhvən salonunda uşaq olan avtomobili qaçırdılar

Fransanın Aniş komunasında maraqlı hadisə baş verib. 
Avtosfer.az-ın xəbərinə görə,  axşam vaxtı təcili dərman almaq üçün aptekə girən ana avtomobilin mühərrikini söndürməyib. 2 yaşlı uşaq da salonda qalıb. 
Bu zaman ərazidə “çatdırılma edən” 2 narkotacir mühərriki işləyən sahibsiz avtomobili görüblər. Özləri də “saz vəziyyətdə” olan narkotacirlər avtomobillə ərazidən uzaqlaşıblar. Lakin çox keçməmiş onlar maşının başqasına aid olduğunu və salonda körpənin yatdığını görərək geri qayıdıblar. Aptekin qarşısında onları həyəcanlı ana ilə yanaşı polis də gözləyirdi.
Polis onlardan birini saxlasa da, digəri qaça bilib. Onu da oğurluqla əlaqəsi olmadığına görə bir gecə polis idarəsində saxladıqdan sonra sərbəst buraxıblar.

Vüqar Yaşaroğlu