Naxçıvanda da bu mərkəz yaradıla bilər

“Naxçıvanda da Vahid Əlaqələndirmə Mərkəzi (VƏM) yaradıla bilər”.

Avtosfer.az xəbər verir ki, bu barədə Dövlət Sosial Müdafiə Fondunun sədri Himalay Məmişov 2022-ci ilin yekunlarına dair keçirdiyi mətbuat konfransında bildirib.

O əlavə edib ki, Vahid Əlaqələndirmə Mərkəzləri ən çox müraciət olunan ərazilərdə keçirilir. Naxçıvanda da əgər müraciət olarsa, belə mərkəz yaradıla bilər. 

Qeyd edək ki, Vahid Əlaqələndirmə Mərkəzləri şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə nazirliyin yerli qurumlarının inzibati binalarında təşkil edilir.  

Qafqazinfo