Sürücülərə ŞAD XƏBƏR: Sabah saat 22:00-dək...

29 aprel saat 22:00-dək Neftçilər prospektinin Azneft dairəsindən Dəniz vağzalına qədər olan hissəsi sürücülərin rahatlığı üçün açılıb.

Bu barədə Avtosfer.az-a Bakı Şəhər Halqasından (BŞH) məlumat verilib.

BŞH sürücülərə bildirir ki, qeyd olunan yollar yalnız tranzit koridoru kimi istifadə ediləcək. Avtomobillərin burada dayanması və ya parkinqi təhlükəsizlik baxımından qadağandır. Bundan başqa, həmin yollarda ağırtonnajlı yük maşınlarının və ictimai nəqliyyatın hərəkəti istisna edilir.

Qeyd edək ki, sözügedən yollarda sürət həddi 50 km/saat olaraq müəyyən edilib.

Bu yollardakı nəqliyyatın hərəkətini BŞH və aidiyyəti güc strukturları birgə tənzimləyəcək.

Bununla ilk dəfədir ki, sakinlərin rahatlığını təmin etmək məqsədilə "Formula 1" Azərbaycan Qran-prisinin yarış həftəsonunda Bakı Şəhər Halqasını əhatə edən küçə və prospektlərin əsas bir qismi nəqliyyatın istifadəsinə verilir.