"Ölkəyə yaşlı qadının adına 400 ədəd "Porsche" gətirilib"

"İranda yaşlı bir qadının adına 400 ədəd "Porsche" gətirilib, amma heç kim bunu araşdırmağa cürət etmir".

Avtosfer.az "Azad İran" "Telegram" kanalına istinadən xəbər verir ki, bunu iranlı iqtisadçı Hüseyn Rağfər deyib.

Onun sözlərinə görə, üç il əvvəl ölkəyə ölü və ya diri olduğu bilinməyən yaşlı bir qadının adı ilə 400 ədəd "Porsche" markalı avtomobil idxal edilib.

"Bu cür hərəkətlər edən insanlar qanuni tədbirlərdən azaddırlar. Hər kəs, hətta məhkəmə sistemi, hökumət və parlament belə, bu insanların kim olduğunu bilsə də, heç kim onlarla üzləşməyə cürət etmir", - deyə Rağfər əlavə edib.