Ordubadda iki kəndin daxili yollarına 1,2 milyon xərclənəcək

Ordubad Rayon İcra Hakimiyyəti "Naxçıvan Yol Təmir Tikinti İstismar" MMC ilə satınalma müqaviləsi bağlayıb. 

Avtosfer.az "Qaynarinfo"ya istinadən xəbər verir ki, satınalma müqaviləsinin maliyyə dəyəri 1 246 538,69 manatdır. 

Müqavilədə Qoşa Dizə və Kələntər Dizə kənddaxili yollarının əsaslı təmiri nəzərdə tutulur. 

"Naxçıvan Yol Təmir Tikinti İstismar" MMC Naxçıvan Avtomobil Yolları Dövlət Agentliyinin tabeliyində fəaliyyət göstərir. Ötən ay Naxçıvanda fəaliyyət göstərən yol təmir idarələri "Naxçıvan Yol Təmir Tikinti İstismar" MMC-yə birləşib. Bununla da MMC yenidən təşkil edilib. MMC-nin rəhbəri Muxtərov Cəfər Məhərrəm oğludur. 

Cəfər Muxtərov vaxtilə Naxçıvan Muxtar Respublikası Dövlət Şəhərsalma və Arxitektura Komitəsinin sədri vəzifəsində çalışıb. 2016-cı ildə Naxçıvan MR Ali Məclisinin o vaxtkı sədri Vasif Talıbov tərəfindən vəzifəsindən azad edilib. 

Ordubad Rayon İcra Hakimiyyətinin başçısı isə Rəcəb Rəhimlidir.