Parisdə aksiyalar nəqliyyata ciddi ziyan vurub - FOTO

Fransada 27 iyunda bir gəncin polis tərəfindən öldürülməsindən sonra baş qaldıran iğtişaşlardan əziyyət çəkən sahələrdən biri də ictimai nəqliyyatdır. 

Avtosfer.az-ın xəbərinə görə, bir həftə ərzində Paris və digər şəhərlərdə şəxsi avtomobillərlə yanaşı, avtobus, tramvay və trolleybuslar da yandırılıb. Təkcə Parisdə yandırılan avtobus sayı 60-ı keçib. 3 tramvay xətti zədələnib. Müqayisə üçün deyək ki, Parisdə istismar olunan 1 avtobusun qiyməti modelinə görə 300 – 500 min avro arasında dəyişir. Bir tramvay vaqonunun qiyməti 3-5 milyon avrodur.  

İctimai nəqliyyata dəyən ziyan təkcə nəqliyyat vasitələrinin məhv edilməsi ilə bitmir. Parisdə gündüz vəziyyət normal olsa da, tramvayların normal işi bərpa olunmayıb. Əməkdaşların təhlükəsizliyi üçün ictimai nəqliyyat saat 21.00-dan sonra işləmir.

Şəxsi avtomobillərə dəyən ziyanı öyrənmək üçün azı 1 ay lazım gələcək.

Vüqar