Polis öz avtomobilində diri-diri yandırılıb

Perunun Puno departamentində yerləşən Xuliaka şəhərinin hava limanında etirazçılar bir polis əməkdaşını avtomobilində diri-diri yandırıblar.
“Report” xarici KİV-ə istinadən xəbər verir ki, bu barədə Baş nazir Alberto Otarola konqresdə çıxışı zamanı bildirib.
“Bir qrup nümayişçi iki polis əməkdaşının olduğu patrul avtomobilini saxlayıb. Biri döyülüb, ikincisi isə diri-diri yandırılıb”, - A.Otarola vurğulayıb.
O söyləyib ki, hökumət növbəti üç gün ərzində Puno departamentində komendant saatı tətbiq etmək qərarına gəlib.
Qeyd edək ki, Punoda yerləşən Xuliaka şəhərinin hava limanı yaxınlığında etirazçılarla polis arasında toqquşmalar yanvarın 6-da başlayıb. Nümayişçilər Prezident Dina Boluartenin istefasını və dövlət başçısı üçün yeni seçkilərin keçirilməsini tələb edirlər. Həkimlərin məlumatına görə, toqquşmalarda azı 17 nəfər ölüb, 52 nəfər yaralanıb.
2022-ci il dekabrın 7-də Prezident Pedro Kastilyonun hakimiyyətdən uzaqlaşdırılmasından sonra Peruda genişmiqyaslı etirazlar başlayıb. Onların iştirakçıları yolları bağlayıb, hava limanlarını zəbt ediblər, hakimiyyət və hüquq-mühafizə orqanlarının binalarına basqın ediblər. Ötən ilin dekabrında baş verən qarşıdurmalarda 30-a yaxın insan həlak olub, yüzlərlə insan yaralanıb.
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO












