Prokurorluq orqanlarında rəhbər vəzifədə işləyən qadınların sayı AÇIQLANDI

Prokurorluq orqanlarında işləyən 85 nəfər qadın əməkdaşın 56-sı 2002-2019-cu il ərzində keçirilmiş 21 müsabiqə nəticəsində, 29-u isə 2020-2022-ci ildə keçirilmiş 3 müsabiqənin nəticəsində işə qəbul edilib.

Bu barədə Baş prokuror Kamran Əliyev prokurorluq orqanlarına qulluğa yeni qəbul olunmuş gənclərin andiçmə mərasimində məlumat verib.

Baş prokuror qeyd edib ki, hazırda prokurorluq orqanlarında rəhbər vəzifədə işləyən 9 qadın işçidən Baş Prokurorluqda 1 idarə rəisi, 3 idarə rəisinin müavini, 1 şöbə rəisi, həmçinin 1 Bakı şəhər prokurorunun böyük köməkçisi, 2 rayon prokuroru və 1 rayon prokurorunun müavini vəzifəsində işləyir.