Qazaxıstan avtomobil yolu ilə buğda idxalına qadağa qoyub

Qazaxıstan Kənd Təsərrüfatı Nazirliyi altı ay müddətinə respublikaya avtomobil yolu ilə buğda idxalına qadağa qoyub.

“Üçüncü ölkələrdən və Avrasiya İqtisadi İttifaqı ölkələrindən avtomobil nəqliyyatı ilə Qazaxıstan Respublikasının ərazisinə buğdanın idxalına altı ay müddətinə qadağa qoyulsun”, - deyə sənəddə bildirilib. Sərəncam rəsmi dərc edildiyi gündən qüvvəyə minir.

Sözügedən qərar son bir neçə ildə qeyri-qanuni buğda idxalından əziyyət çəkən Qazaxıstan taxıl və un bazarında mövcud vəziyyətlə əsaslandırılıb.

oxu.az