Rusiya Hüseyni yenidən axtarışa verdi

Rusiya azərbaycanlı bloqer Hüseyn Həsənovu yenidən axtarışa verib.

Avtosfer.az Rusiya mətbuatına istinadən xəbər verir ki, bu barədə Rusiya Daxili İşlər Nazirliyi məlumat yayıb.

Bloqerin Rusiya Cinayət Məcəlləsinin məhz hansı maddəsi üzrə axtarışa verildiyi isə qeyd olunmayıb. 

Xatırladaq ki, H.Həsənov bundan əvvəl bu ilin mayın 14-də Rusiyada axtarışa verilmişdi və barəsində qiyabi həbs qərarı çıxarılmışdı. Məşhur bloqer bu zaman Rusiya Cinayət Məcəlləsinin 174-cü maddəsinin 4-cü hissəsinə əsasən - xüsusilə külli miqdarda pul vəsaitlərinin leqallaşdırılması və yuyulmasında ittiham olunub. Bu maddə üzrə onu 7 ilədək azadlıqdan məhrumetmə cəzası gözləyir.

Onu da bildirək ki, bloqer 2024-cü ildən Rusiyada yaşamır.