Rusiya kosmosda zədələnən gəminin ekipajını təxliyə edə bilər

Rusiya “Soyuz MS-22” kosmik gəmisindəki zədələr aradan qaldırılmasa, rusiyalı kosmonavtlarının gəmidən təxliyə edilməsini ehtiyat variant kimi nəzərdən keçirir.

Bu barədə "Roskosmos" Dövlət korporasiyasının rəhbəri Yuri Borisov bildirib.

Onun sözlərinə görə, mütəxəssislər uçuşun təhlükəsiz və müntəzəm başa çatması üçün mümkün olan hər şeyi edirlər, lakin “Soyuz MS-23” fevralın 19-da uçuşa hazır ola bilər.

“Vəziyyət başqa ssenari üzrə getsə, əlbəttə ki, bizim ehtiyat variantımız var: "Soyuz MS-23” kosmik gəmisi hazırlanacaq, pilotsuz rejimdə stansiyaya bağlanacaq və ekipajı geri qaytaracaq”, deyə Borisov qeyd edib. (apa)