Rusiya Polşa yük maşınlarının öz ərazisindən keçməsini qadağan etməyi təklif edib

Dövlət Duması Polşa yük maşınlarının iyunun 1-dən Rusiya ərazisindən keçməsini qadağan etməyi təklif edib

Avtosfer.az xəbər verir ki, belə bir təkliflə Rusiya Dövlət Dumasının Nəqliyyat üzrə Komitəsinin rəhbəri Yevgeni Moskviçev çıxış edib.

O bildirib ki, yükdaşıyıcıların Polşadan Rusiyaya girişinə qadağa qoyulması üçün hökumətə müraciət göndərib.

Bu tədbir Rusiyanın Varşavadakı səfirliyindəki məktəbin ələ keçirilməsinə cavab olaraq qiymətləndirilir.

“Rusiya Federasiyasının sərhədinə, ən yaxın gömrük terminalına gəlsinlər və yükü boşaltsınlar və ya yenidən bizim yük maşınlarımıza boşaltsınlar”, - deyə Moskviçev bildirib.

Həmçinin qeyd edilir ki, Avropa İttifaqı tərəfindən analoji tədbir 2022-ci ilin martından qüvvədədir.

Xatırladaq ki, aprelin 29-da Varşava meriyasının nümayəndələri Rusiya səfirliyindəki məktəb binasına soxulub, daha sonra təhsil müəssisəsinin qapılarını bağlayıblar.

apa