Rusiyada azərbaycanlıları qeydiyyata salan cəzalandırıldı

Rusiyanın Həştərxan şəhərində bir neçə azərbaycanlının saxta qeydiyyatı aşkarlanıb.

38 yaşlı Həştərxan sakini bir neçə azərbaycanlını yaşadığı evə qeydiyyata saldırıb. Məlumata görə, azərbaycanlılar həmin evdə yaşamayıblar.

Faktla əlaqədar şəhər miqrasiya və polis şöbəsinin əməkdaşları əməliyyat keçiriblər. Nəticədə fakt öz təsdiqini tapıb. Hazırda həmin azərbaycanlıların digər yerlərdə də qeydiyyatda olub-olmadıqları araşdırılır.

Həştərxan sakini isə yerli qanuna müvafiq cəzalandırılıb. (lent.az)