Rusiyada təzə avtomobillərlə bağlı daha bir qadağa, və ya Sovetə qayıdış

Rusiyalı deputatlar təzə avtomobillər üçün qiymət həddi müəyyənləşdirməyi təklif ediblər.   
Avtosfer.az-ın xəbərinə görə, qanun layihəsi artıq Dumanın gündəliyinə daxil edilib. 
Qaznunverici orqanı buna vadar edən təzə avtomobillərin kəskin bahalaşmasıdır. Həmçinin, layihəyə görə təzə avtomobilə satışdan əvvəl hansısa avadanlıq quraşdrımaq qadağan edilir. Çünki dilerlər əksər hallarda avtomobilə əlavə avadanlıq qoyaraq qiyməti artırırlar. 
Qeyd edək ki, sanksiyalardan sonra Rusiyada avtomobillər kəskin bahalaşıb. Məsələn, təzə “Kia Sportage” 77 000 dollara, “Lada Vesta” və “Renault Duster” 40 000 dollara təklif edilir. 

Xatırladaq ki, avtomobil qiymətlərinin dövlət tənzimlənməsi Sovet vaxtı mövcud olub. Bu qayda 1989-cu ilin sonunda yenidənqurma zamanı ləğv edilib.