Rusiyadan Türkiyə limanlarına 44 milyon tondan çox yük daşınıb
Xəbərlər 22 Sentyabr 2022 18:29 Oxunub 846
Rusiyadan Türkiyə limanlarına 44 milyon tondan çox yük daşınıb

2022-ci ilin yanvar-avqust aylarında Rusiyadan Türk limanlarına 44 milyon 238 min 405 ton yük daşınıb.

Trend-in məlumatına görə, bu barədə TurkicWorld-a Türkiyənin Nəqliyyat və İnfrastruktur Nazirliyindən bildirilib.

Nazirlikdən verilən məlumata görə, Türkiyə bayrağı altında üzən gəmilər Rusiyadan limanlara 1 milyon 994 min 786 ton, digər ölkələrin bayraqları altında üzən gəmilər isə 33 milyon 758 min 607 ton yük çatdırıb.

Bu müddət ərzində Rusiya bayraqlı gəmilərlə Türkiyə limanlarına 8 milyon 485 min 12 ton yük çatdırılıb. 2022-ci ilin yanvar-avqust aylarında Türkiyə limanlarına Rusiyadan 1 milyon 698 min 874 heç bir tranzit yük daşınmayıb.

Qeyd edək ki, 2022-ci ilin avqust ayında Türkiyə limanları 33 milyon 443 min 563 ton yük qəbul edib. Bu dövr ərzində də Türkiyə bayrağı altında gəmilərlə daxili limanlara yük qəbulu 2 milyon 387 min 410 ton təşkil edib.

Türkiyə limanlarına digər ölkələrin bayraqları altında gəmilərlə yük daşınması 31 milyon 56 min 153 ton olub. Bununla yanaşı, 2022-ci ilin avqust ayında Türkiyə limanlarından 6 milyon 205 min 751 ton tranzit yük daşınıb.

Nazirlikdən verilən məlumata görə, 2022-ci ilin yanvar-avqust aylarında Türkiyə limanları 264 milyon 644 min 817 ton yük qəbul edib.

2022-ci ilin yanvar-avqust aylarında Türkiyə bayrağı altında gəmilərlə yük qəbulu 18 milyon 953 min 750 min ton təşkil edib. Digər ölkələrin bayraqları altında gəmilərlə isə Türkiyə limanlarına yükdaşımalar 245 milyon 691 min 67 ton təşkil edib.

Məlumatda bildirilib ki, 2022-ci ilin yanvar-avqust aylarında Türkiyə limanlarından 54 milyon 39 min 258 ton tranzit yük daşınıb.

ŞƏRH YAZ
Ad

E-mail

Şərh