Sabirabadda beş kəndi birləşdirən yol dağılıb: gediş-gəliş çətinləşib - FOTO

Sabirabad rayonunun Türkədi kəndinin yolları bərbad vəziyyətə düşüb. Bu barədə "Report"a kənd sakinləri məlumat verib. Onların sözlərinə görə, rayonun mərkəzi ilə cəmi 5 km aralıda yerləşən kəndin yolları uzun illərdir bərbad vəziyyətdədir. Sakinlər deyib ki, yolların bərbad olması ilə bağlı dəfələrlə aidiyyəti qurumlara müraciət etsələr də, indiyədək onların müraciətinə baxan olmayıb:
"Bizim kəndlə yanaşı, rayonun Cavad, Əlicanlı, Yolçubəyli və Narlıq kəndlərinin 20 minə yaxın əhalisi də hər gün bu yoldan istifadə edirlər. Yolun bu vəziyyətdə olması səbəbindən zərurət yarandıqda nə təcili tibbi yardım, nə də yanğınsöndürən avtomobilləri vaxtında hadisə yerinə çata bilir".
Sakinlər bununla yanaşı, əkib becərdiyi kənd təsərrüfatı məhsullarını da yolun bərbad vəziyyətə düşdüyünə görə vaxtında bazara çıxara bilmədiklərini söyləyiblər.
Məsələ ilə bağlı Azərbaycan Avtomobil Yolları Dövlət Agentliyindən (AAYDA) "Report"un yerli bürosuna bildirilib ki, kəndlərarası avtomobil yollarının yenidən qurulması regionların sosial iqtisadi inkişafı ilə bağlı dövlət proqramı çərçivəsində öz həllini tapır.
Qeyd edilib ki, bu proqram çərçivəsində son illər ərzində Sabirabad rayonunda mühüm yol infrastrukturu layihələrinin icrası aparılıb və davam etdirilir: "O cümlədən, Türkədi kəndinin də daxil olduğu Cavad-Narlıq avtomobil yolunun yenidən qurulması regionların iqtisadi inkişafı dövlət proqramına daxil edilib və maliyyə vəsaiti ayrılan kimi, sözügedən yolda əsaslı şəkildə yenidənqurma işlərinin icrası təmin olunacaq".
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO














